मन भ्र मण...

फर्ग्युसन मध्ये माझा क्लास कोणता? हे तिथून बाहेर पडलो तरी कळलं नाही. शहरी की ग्रामीण,पाश्चिमात्य की देशी,कि दोन्हींच कॉकटेल? कुणीतरी इम्प्रेस होईन म्हणून महागडे शूज घातले पण कपडे तेच.. मी जसा नाहीच तसा दाखवण्यात अर्थ होता काय? शो ऑफ यालाच म्हणतात का? एकदा तू लायब्ररी त आली इंग्लिश मधून काहीतरी विचारलं.., मी प्रश्नार्थक नजरेने पाहिलं,तुला माझा क्लास कळला मग तू तेच मराठीतून विचारलं.. तुझी गोरी कातडी अन साजेशी वेस्टर्न वेशभूषा,मी गडबडून हातवारे च उत्तर दिलं. मनात म्हणालो "आयला हि ला तर मराठी येतं?" शूज महागडे घातले तरी काही फरक पडत नाही.. हे खरंच..!! एकदा पत्या म्हणाला सिगारेट पिताना किलर लूक येतो,अन पोरी इम्प्रेस होतात...खरंच?? मी नाही ओढली, सिगारेट वर इम्प्रेस होते ती पोरगी काय कामाची? नशा विडी ने जास्त होते ऐकलंय,पण किंमत अन ग्लॅमर सिगारेट ने च का नेलं??.. तुझ्याशी बोलताना मी शहरी शुद्ध बोलन्याचा अभिनय का करायचो? अन पकडला जायचो... वडापाव सहज खाता येतो,तुझ्यासोबत बर्गर इतक्या सहजी नाही खाता आला... फर्ग्युसन च्या अँम्फी मध्ये डॉ.प्रकाश आमटे आले होते..ते महत्वा...